EQYU-ǵa tóraǵalyq etý aıasynda sottaǵy ókildilik ınstıtýtyn damytý máselesine erekshe nazar aýdarǵan jón- zańger B.Ábdiraıym
STANA. Naýryzdyń 19-y. QazAqparat /Arman Asqarov/ - Qazaqstannyń búgingi Eýropadaǵy qaýipsizdik jáne yntymaqtastyq uıymyna tóraǵalyq etýi aıasynda durys ári ádil sot sheshimderin shyǵarý máselesi ózekti bolyp tur.
Ol, kóp jaǵdaıda, sot protsesteri kezindegi taraptardyń quqyǵyn qorǵaıtyn zańdy ókilderdiń kásibı daıyndyǵyna baılanysty. Búgin Lev Gýmılev atyndaǵy Eýrazııa ulttyq ýnıversıtetinde bastalǵan «Sot salasyndaǵy ókilettilik ınstıtýtyn jetildirý: quqyq tártibin qoldaný jáne júrgizý máseleleri» taqyrybyndaǵy Halyqaralyq ǵylymı-praktıkalyq konferentsııada ýnıversıtet rektory, zańger Baqytjan Ábdiraıym osy máseleni atap ótti, dep habarlaıdy QazAqparat.
«Elbasy Nursultan Nazarbaevtyń bıylǵy Joldaýynda quqyq qorǵaý júıesin jańasha qalyptastyrý mindetine toqtalǵan B.Ábdiraıym elimizdegi ókildilik ınstıtýtyn sapaly damytý qajettigin erekshe atap kórsetti. «Qazaqstannyń búgingi Eýropadaǵy qaýipsizdik jáne yntymaqtastyq uıymyna tóraǵalyq etýi aıasynda durys ári ádil sot sheshimderin shyǵarý máselesi ózekti bolyp tur. Ol, kóp jaǵdaıda, sot protsesteri kezindegi taraptardyń quqyǵyn qorǵaıtyn zańdy ókilderdiń kásibı daıyndyǵyna baılanysty», - deıdi ýnıversıtet rektory, zańger B.Ábdiraıym.
Aıta keteıik, búgingi resmı málimetterde sot otyrystary kezinde zańsyz ókilettilik qyzmetin aqaratyn azamattar týraly az aıtylady. Al olardyń qyzmeti, kóp jaǵdaıda, sottyń burys sheshimderdi shyǵarýyna ákelip, sot protsesine qatysatyn taraptardyń quqyqtaryn buzýda. Onymen qatar, sot tájirıbesinde óziniń quqyqtyq jáne zań talaptaryna saı kelmeıtin ókilder kezdesedi. Ondaı adamdardyń negizgi maqsaty - tabys kórý. Bul zań buzýshylyqtar jeke azamattardyń quqyqtaryna áser etip qana qoımaı, jalpy, elimizdiń ádilet salasyna jáne memlekettiń múddesine qaıshy keledi.
