EQYU ekonomıkalyq-ekologııalyq forýmynyń qorytyndy bóliginiń kún tártibi kólik vedomstvosynda talqylandy
áýirdiń 30-y. QazAqparat - 2010 jylǵy sáýirdiń 29-da QR Kólik jáne kommýnıkatsııa mınıstri Ábilǵazy Qusaıynovtyń tóraǵalyǵymen aýyl sharýashylyǵy, qorshaǵan ortany qorǵaý jáne syrtqy ister mınıstrligi ókilderiniń qatysýymen EQYU-da Qazaqstannyń tóraǵalyǵy máselesi boıynsha Memlekettik komıssııanyń ekonomıkalyq-ekologııalyq jumys tobynyń úshinshi keńesi ótkizildi,
dep habarlaıdy QazAqparat atalmysh vedomstvonyń baspasóz qyzmetine silteme jasap.
2010 jyly Qazaqstannyń EQYU-da tóraǵalyq kezeńinde kólik vedomstvosy atalǵan uıymnyń ekonomıka-ekologııalyq ólshemine basshylyq etedi. Ekonomıka-ekologııalyq jumys tobynyń quramyna qorshaǵan ortany qorǵaý, aýyl sharýashylyǵy mınıstrligi, qarjy mınıstrliginiń kedendik baqylaý komıteti jáne Araldy qutqarý halyqaralyq qor atqarýshy komıteti ókilderi enedi.
Qazirgi kúni QR Kólik jáne kommýnıkatsııa mınıstrligi EQYU men QR Syrtqy ister mınıstrligimen birlesip úsh kezdesý ótkizdi: 2009 jylǵy 12-13 qazanda Astanada Birinshi daıyndyq konferentsııasy, 2010 jylǵy 1-2 aqpanda Venada - forýmnyń birinshi bóligi jáne 2010 jylǵy 15-16 naýryzda Mınskide - Ekinshi daıyndyq konferentsııasy. Bul keńeske 2010 jylǵy 24-26 mamyrda Pragada ótetin 18-shi ekonomıkalyq-ekologııalyq forýmnyń qorytyndy bóligine daıyndyq máselesi sebep boldy.
Birinshi bóliktiń barysynda negizgi nazar avtomobıl kóligi máselelerine aýdaryldy. Osyǵan baılanysty tranzıttik tasymaldy damytý, jańa tehnologııalardy qoldaný, sonymen birge shekarany ótý barysynda shekarany basqarý jáne tehnıkalyq qaýipsizdik táýekelderin jaqsartý, keden jáne shekaralyq qyzmetterdegi sybaılas jemqorlyqqa qarsy kúrestegi noý-haý, sonymen qatar Aýǵanstanmen shekarada ótý pýnktterinde qaýipsizdikti kúsheıtý men saýda qyzmetine qoldaý kórsetý jáne júk tasymalyn júzege asyrýdyń qaýipsizdik sıpattary máseleleri belsendi túrde talqylandy.
Ekinshi bóliktiń basym máseleleri temirjol kóligi qatynasyn damytý bolyp belgilendi. Ekinshi daıyndyq konferentsııasy temirjol kóligine járdemdesý, jerústi kóligine, kóliktik júıe men ınfraqurylym, qaýipti júkti tasymaldaý logıstıkasy men tasymaldaý tehnologııasyndaǵy turaqty ekologııalyq balama qaýipsizdigin qamtamasyz etý máseleleri boıynsha pikirtalasqa negiz boldy.
Aldaǵy ýaqytta Pragada bolatyn is-sharada Azııa men Eýropa arasyndaǵy tasymaldyń odan ári tıimdi jáne qaýipsiz damýyn, halyqaralyq tasymal men shekarany ótý beketterinde tıisti basqarýdy odan ári damytý, kólikke Ortalyq Azııa men Aýǵanstanmen qaýipsizdikke qoldaý kórsetý, tasymaldyń qorshaǵan ortaǵa jáne qaýipsizdikke áserin, kóliktik qaýipsizdiktiń ózgeshelik aspektterin talqylaý josparlanýda.
Jalpy, 18-Forýmnyń ekinshi qorytyndy bóligi avtomobıl jáne temirjol kóliginiń máseleleriniń basyn qosady. Sonymen qatar, besinshi sessııa ekologııa taqyrybyna arnalady, ıaǵnı qorshaǵan ortaǵa tasymaldyń ekologııalyq sıpattary qarastyrylady.
