EQYU DIAQB mıssııasy elimizge Prezıdenttik saılaýǵa 400-den astam baıqaýshy jiberedi

Bul týraly búgin QR Memlekettik hatshysy - Syrtqy ister mınıstri Qanat Saýdabaevpen kezdesken atalǵan mıssııanyń basshysy, elshi Daan Everts málim etti.

«Astanada saılaý boıynsha 14 halyqaralyq sarapshy turaqty bolady. Olar saılaý ótkizýdi taldaý, baqylaýmen jáne resmı máselelermen aınalysady. Sonymen qatar 30-ǵa jýyq adam eldiń barlyq óńirlerine jiberiledi. Osylaısha elde shamamen 45 uzaqmerzimdi baıqaýshy bolady», - dedi mıssııa basshysy.

Saılaý kúninde qosymsha 400 qysqamerzimdi baıqaýshy keletindigin atap ótken ol, birqatar baıqaýshy búginnen bastap mindetterin oryndaýǵa kirisetindigin jarııa etti.

Kezdesý barysynda Q.Saýdabaev mártebeli meımanǵa aldaǵy Prezıdenttik saılaýǵa daıyndyq barysymen egjeı-tegjeıli tanystyrdy. Óz sózinde Syrtqy ister mınıstri elimizdiń halyqaralyq standartqa saı ashyq, aıqyn ári ádil saılaý ótkizýge zor mańyz beretindigin basa aıtty. Sondaı-aq ol Demokratııalyq ınstıtýttar jáne adam quqyqtary jónindegi bıýronyń elimizdegi Prezıdenttik saılaýǵa baqylaý jasaýǵa qatysýy EQYU-daǵy Qazaqstan tóraǵalyǵy men Astanada ótken uıymnyń sammıtinen keıingi tarıhı oqıǵa bolatyndyǵyn sóz etti.