EQYU delegatsııalary Qazaqstannyń uıym aıasyndaǵy qyzmetin joǵary baǵalady
Qazaqstan Respýblıkasynyń Vena qalasyndaǵy halyqaralyq uıymdar janyndaǵy Turaqty ókili Qaırat Sarybaı EQYU Ekonomıka jáne qorshaǵan orta komıtetiniń tóraǵasy retinde qatysýshylardy komıtettiń jumysy bıyl jasyl damý, óńirlik ıntegratsııa, Eýrazııadaǵy transporttyq dálizder, daǵdarys aýmaǵyndaǵy qorshaǵan orta men aqyldy qala taqyryptaryna arnalatynyn habarlady.
Q. Sarybaı ekonomıka jáne qorshaǵan orta ólshemniń konstrýktıvti áleýetin júzege asyrýǵa jáne byltyr jeltoqsanda Venadaǵy EQYU Syrtqy ister mınıstrleriniń ekonomıkalyq qatysý týraly qabyldanǵan sheshim, EQYU Aýstrııa tóraǵalyǵy men EQYU Ekonomıka jáne qorshaǵan orta komıtetiniń ekonomıkany jasyldandyrý týraly deklaratsııa men Eýrazııa Ekonomıkalyq Odaǵynyń Syrtqy ister mınıstrleri qabyldaǵan EQYU aýmaǵynda ózara baılanystyq pen ıntegratsııalyq protsesterdiń ushtasýy týraly málimdeme ekinshi komıtettiń jumysyna serpin beretinin málimdedi.
Bul óz kezeginde Astana deklaratsııasynda belgilengendeı, Vankýver men Vladıvostok arasynda qaýipsizdik qaýymdastyǵyn ilgeriletý maqsatyna sáıkes keledi.
Sondaı-aq bıyl komıtet jumysynda tuńǵysh ret qatysýshy memleketterdiń sybaılas jemqorlyqpen kúres, áıelder men jastardyń ekonomıkalyq qatysýy men sý basqarý máselelerine qatysty úzdik tájirıbelermen bólisý týraly erikti baıandama jasaý bastamasy engiziletini týraly aıtyldy.
Otyrys barysynda EQYU-ǵa qatysýshy memleketterdiń delegatsııalary komıtet jumysynyń basymdyqtaryna qoldaý bildirdi jáne ekonomıka men qorshaǵan orta máselelerine teń dárejede mán berilgenin atap ótti. Negizinen ekonomıka men qorshaǵan orta máselelerdiń genderlik jáne jastarǵa qatysty aspektileri, sybaılas jemqorlyqpen kúres, tsıfrlyq ekonomıka, adamı kapıtal máseleleri oń baǵalandy.
EQYU-daǵy delegatsııalar, ekonomıka jáne qorshaǵan orta ólsheminiń áleýeti men ózara baılanystyqty ilgeriletý arqyly, Eýropadaǵy qaýipsizdik daǵdarysyn retteý boıynsha protseske óz úlesin qosa alatynyna qatysty ortaq pikirde boldy.
Qazaqstannyń baıandamasyna qatysty qarymta sóz alǵan AQSh, Armenııa, Ázerbaıjan, Belarýs, Vatıkan, Grýzııa, Eýropalyq Odaq, Norvegııa, Reseı, Túrkııa, Shveıtsarııa jáne Ýkraına delegatsııalary Qazaqstannyń ekinshi komıtettegi tóraǵalyǵyn joǵary baǵalady jáne óz qoldaýyn bildirdi.
