EQYU-da Qazaqstan balalarynyń sýretter konkýrsy ótýde
ASTANA. Mamyrdyń 31-i. QazAqparat - Venada, Eýropadaǵy qaýipsizdik jáne yntymaqtastyq jónindegi uıymnyń shtab-páterinde «Zorlyq-zombylyqsyz ómir - balalar kózimen» degen taqyrypta qazaqstandyq oqýshylardyń sýretter kórmesi ashyldy.
QazAqparatqa bul týraly syrtqy saıasat vedomstvosynyń baspasóz qyzmetinen habarlady.
Kórme aǵymdaǵy jyldyń qańtar-naýryz aılarynyń aralyǵynda respýblıkanyń orta mektepteri men ulttyq mektepteriniń, Qazaqstan halqy Assambleıasynyń balalar ujymdary men qosalqa bilim berýshi uıymdardyń oqýshylarynyń arasynda ótken respýblıkalyq konkýrstyń qorytyndysy boıynsha qurylyp otyr. Qazaqstannyń EQYU-ǵa tóraǵalyǵynyń aıasynda ótip otyrǵan krnkýrsqa 6 men 14 jastyń aralyǵyndaǵy balalar atsalysty. Al Venadaǵy ekspozıtsııaǵa otyz shaqty týyndy iriktep alyndy.
Qazaqstannyń Bilim jáne ǵylym mınıstrligi, Qazaqstannyń EQYU janyndaǵy turaqty ókildigi, EQYU Hatshylyǵy uıymdastyryp otyrǵan sýretter kórmesi Balalardy qorǵaýdyń halyqaralyq kúnine oraılastyrylyp otyr.
