EQYU Cammıtine keletin sheteldik qonaqtardy ornalastyrý úshin Astanadaǵy 150 qonaqúıden 68-i tańdap alyndy
ASTANA. Qazannyń 28-i. QazAqparat /Gúlmıra Álıakparova/ - EQYU Cammıtine keletin sheteldik qonaqtardy ornalastyrý úshin Astana qalasyndaǵy 150 qonaq úıden 68-i tańdap alyndy. Bul týraly búgin ótken baspasóz máslıhatynda Astana qalalyq Týrızm jáne sport basqarmasynyń bastyǵy Aıtalap Qorǵanbaev aıtty.
Onyń sózine qaraǵanda, Cammıt qonaqtaryn ornalastyrýǵa qolaıly dep tabylǵan 150 qonaqúıdiń 68-i tańdap alynyp, taǵy 10-y rezervke qoıyldy. Rezervti eseptemegende, qonaqúıler 4701 adamdy qabyldaı alady. Olardyń ishinde 4 meımanhana - «5 juldyzdy», 7 - «4 juldyzdy», 17 - «3 juldyzdy» jáne qalǵandary 1-inshi, 2-nshi sanattaǵylar.
Búgingi kúnge deıin 68 qonaqúıdiń 63-ine avtoturaqtar men kólikterdiń kelý joldary jasaldy, 48-ine aǵymdaǵy, 27-sine kúrdeli jóndeýler júrgizildi. Onymen birge ǵımarattyń syrtqy kelbetin sáýlettendirý jáne aýlasyn abattandyrý jumystary jasaldy. 53 qonaq úı Wi-Fi júıesine jáne joǵary jyldamdyqty ınternet jelisine qosyldy. Ákimdik ókiliniń aıtýynsha, búginde 63 qonaqúı mártebeli qonaqtardy qabyldaýǵa tolyq daıyn.
Qazaqstan jáne onyń halqynyń qonaqjaılylyǵyn alǵashqy sátterden sezindirý úshin, árbir qonaqúı tabaldyryǵyn attaǵan meımandy ulttyq kıim kıgen ul-qyzdar qarsy alyp, EQYU emblemasy men ulttyq naqyshtar beınelengen qaptamadaǵy shokolad konfetterdi usynatyn bolady.
Sondaı-aq Qorǵanbaev, sammıt kúnderi meımanhanalar qyzmetteriniń baǵasy qymbattamaıtynyna sendirdi. «Sammıtke qatystyrylatyn qonaqúılerdi keńeske shaqyrǵan alǵashqy kúni-aq olar bizge ózderiniń qyzmetteriniń baǵasyn bergen bolatyn. Praıs-qaǵazdar keıin Syrtqy ister mınıstrligine joldandy, qazir brondaý sol baǵa boıynsha júrgizilip jatyr», - dedi ol.
Mysalǵa «5 juldyzdy» «Redısson» qonaqúıinde standartty bir jáne eki oryndyq nómirler táýligine sáıkesinshe 495 jáne 540 eýro tursa, prezıdenttik lıýkstar (barlyǵy 2 nómir) - 1500 eýro, koroldik lıýks (1) - 5000 eýro turady. Meımanhana barlyǵy 250 adamdy qabyldaı alady.
Basqarma bastyǵynyń aıtýynsha, memleketter basshylaryn ornalastyrý úshin «5 juldyzdy» qonaqúılerden bólek, «Qaraótkel» kentindegi kottedjder qalashyǵy da jumyldyrylatyn bolady.
Eske salaıyq, aldaǵy jeltoqsan aıynyń 1,2 kúnderi Astanada ótetin EQYU basshylarynyń sammıtine shamamen 5 myńǵa jýyq sheteldik qonaqtar keledi dep kútilýde.
