EQYU Cammıti men Azıada is-sharalaryn jańa urpaq baılanysymen qamtamasyz etetin operator anyqtaldy
ALMATY. 11 qarasha. QazAqparat /Erlik Erjanuly/ - «KaR-Tel» JShS-niń baspasóz qyzmeti taratqan málimetke qaraǵanda, olar EQYU Sammıti men VII Qysqy Azııa oıyndaryn ótkizý kezinde úshinshi jáne tórtinshi urpaq baılanysymen qamtamasyz etedi.
Bul Almaty aýmaǵynda ǵımarattardyń syrtynda lte testileý aımaǵyn paıdalanýǵa ruqsat merziminiń Azıada sońyna deıin uzartylýy, sondaı-aq 5 qarashada 3G jelilerin paıdalanýǵa berilgen ýaqytsha ruqsat negizinde qoljetimdi boldy.
«Dúnıejúzilik deńgeıdegi bul is-sharalar Qazaqstannyń halyqaralyq arenadaǵy eleýli róliniń aıǵaǵy bolyp tabylady. Ony úshinshi jáne tórtinshi urpaq baılanysymen qamtamasyz etýdi kompanııa úshin abyroıly mindet dep bilemiz. Biz LTE jáne 3G standarttarynyń sátti testileý nátıjesinde baılanys sapasynyń joǵary deńgeıine qol jetkizemiz», -deıdi «KaR-Tel» JShS-nyń bas dırektory Anatolıı Popov.
Onyń aıtýynsha, EQYU Sammıti kezinde 3G jelilerimen Astana men Almaty qalalarynyń birshama aýmaǵy, onyń ishinde sporttyq nysandary qamtylady. Sondaı-aq úshinshi urpaq baılanysymen Astanada 25, al Almatyda 40-qa jýyq bazalyq stansa iske qosylady. Qazirgi kezde Almatyda iskerlik ortalyǵyn tolyqtaı derlik qamtıtyn 10 bazalaq stansa jumys jasaıdy.
