EQYU Azshylyq ulttar isteri jónindegi joǵarǵy komıssary «100 qadam» Ult jospary baǵdarlamasynyń jańashyldyq tásilin joǵary baǵalady

ASTANA. QazAqparat - Vena qalasyndaǵy EQYU shtab-páterinde 16 shildede ótken Turaqty keńestiń kezekti otyrysynda EQYU Azshylyq ulttar isteri jónindegi joǵary komıssary Astrıd Tors óziniń qyzmeti týraly jyl saıynǵy baıandamasyn jasady, dep habarlaıdy QR SІM baspasóz qyzmeti.

A. Tors Qazaqstannyń quqyǵyn saqtaý jáne azshylyq ulttardyń damýy, etnıkalyq, dinı jáne mádenı áralýandylyqdy qoldaý qaǵıdalarynyń negizine súıengen kópetnıkalyq jáne kópkonfessııalyq memleket qurý úderisindegi jetistikterine joǵary baǵa berdi.

Ol óziniń Qazaqstan halqy Assambleıasynyń mereıtoılyq sessııasyna qatysqany týraly habarlap, Assambleıa ınstıtýtynyń biregeıligin jáne onyń etnosaralyq turaqtylyqty saqtaýdaǵy erekshe rólin atap ótti.

Joǵarǵy komıssar uqsastyq jáne birlik salasyndaǵy máselelerdi sheshýdegi Qazaqstan halqy Assambleıasy ınstıtýtyna úlken ról beriletin strategııalyq «100 qadam» Ult jospary baǵdarlamasynyń novatorlyq tásilin, sondaı-aq onyń etnosaralyq jáne dinaralyq kelisimdi, tózimdilik jáne adamı qundylyqtardy ilgeriletýdi qamtıtynyn atap ótti.

A. Tors, sonymen qatar, Qazaqstanda qolǵa alynyp jatqan bilim salasyndaǵy reformalardy quptap, QR Úkimeti úshtildik baǵdarlamasyn júzege asyryp, azshylyq ulttar ókilderiniń tilinde bilim beretin mektepterge qoldaý kórsetetinin aıtty.