EQYU aıasyndaǵy Sholý konferentsııasy «Mıgranttarǵa qatysty tózimsizdik» taqyrybyna arnalyp otyr
ASTANA. 27 qarasha. QazAqparat /Qanat Mámetqazyuly/ - Búgin elordada EQYU aıasyndaǵy Sholý konferentsııasy óz jumysyn jalǵastyrýda. Esterińizge sala keteıik, keshe 26 qarasha kúni bastalǵan Sholý konferentsııasy «BAQ bostandyǵyna» arnalsa, búgingi sessııasynyń taqyrybynda «Mıgranttarǵa qatysty tózimsizdik» máselesi qamtylyp otyr.
Jıyndy ashyp sóz sóılegen QR Syrtqy ister mınıstrligi Erekshe tapsyrmalar jónindegi elshi Mádına Jarbosynova álem elderi boıynsha sońǵy ýaqytta mıgratsııa máselesi óte kúrdelenip otyrǵanyn, bul ǵalamdyq deńgeıdegi ózekti másele ekendigin atap ótti. «Konferentsııanyń keshegi otyrysynda biz «BAQ bostandyǵy» máselesinde negizinen Qazaqstandaǵy jaǵdaıdy talqylasaq, búgin mıgratsııa máselesiniń ǵalamdyq aýqymdaǵy jaǵdaıyn, onyń ishinde EQYU keńistigindegi problemalar talqyǵa túsedi dep úmittenem», - dedi M. Jarbosynova.
Jıynǵa Mıgratsııa jónindegi halyqaralyq uıym mıssııasynyń basshysy Anreas Halbah jetekshilik etýde. A. Halbah óz sózinde osydan biraz buryn EQYU aıasyndaǵy Varshava konferentsııasynda kóterilgen máselelerge toqtala kele, bul sharanyń Astanada jalǵasyn taýyp otyrǵanyna rızashylyǵyn bildirip ótti. «Biz búgin qoǵam arasyndaǵy mıgranttarǵa toleranttyq máselesin qyzý talqylap, pikir almasýǵa jınaldyq. Bundaı aýqymdy máselelerden kútiletin nátıje de jemisti bolýyna tilektespin», dedi ol.
