EQYU aıasynda eýrazııalyq yqpaldastyqtyń negizgi maqsattary men baǵyttaryn kórsetetin biryńǵaı qujat qajet - N.Nazarbaev
ALMATY OBLYSY. Shildeniń 17-si. QazAqparat /Rasýl Bahamov/ - Búgin EQYU aıasynda eýrazııalyq yqpaldastyqtyń negizgi maqsattary men baǵyttaryn kórsetetin biryńǵaı qujat daıyndaıtyn ýaqyt jetti.
Bul týraly EQYU-ǵa múshe memleketterdiń syrtqy ister mınıstrleriniń beıresmı kezdesýinde sóz alǵan Qazaqstan Prezıdenti Nursultan Nazarbaev málim etti.
Mundaı qujat daǵdarystan keıingi shynaıy jaǵdaı men álemniń ortasha jáne uzaq merzimdi bolashaǵynyń damý úrdisin eskerýi qajat. Eýropa men Azııanyń yqpaldasýy tek eýrazııalyq sýbkontınenttiń ekonomıkalyq damýyna, áleýmettik ıgiligine ǵana emes, daǵdarystan keıingi aldaǵy bolashaqqa da jaqsy áserin tıgizedi.
Qazaqstan Prezıdentiniń pikirinshe, EQYU ekonomıkalyq-ekologııalyq ólsheýdiń damýyna kóp nazar bólýi kerek. «EQYU-nyń Bonn deklaratsııasy men Maastrıht strategııasy ózgergen sharttarǵa beıimdelýdi qajet etedi», - dedi Memleket basshysy.
