Ekvadordan kelgen gúl partııasynan batys gúl trıpsi anyqtaldy

ASTANA. KAZINFORM — Ekvador Respýblıkasynan kelgen raýshan gúlderinen synamalar alyndy. Bul týraly AShM baspasóz qyzmeti habarlady. 

«Saryarqa» halyqaralyq áýejaıynyń fıtosanıtarııalyq baqylaý beketinde Qaraǵandy oblystyq aýmaqtyq ınspektsııasynyń ósimdikter karantıni jónindegi memlekettik ınspektory karantınge jatqyzylǵan ónimdi ımporttaý kezinde baqylaý jáne qadaǵalaý jumystaryn júrgizý barysynda fıtosanıtarııalyq talaptarǵa qaıshy áreketterdi anyqtady.

Baqylaý is-sharalary aıasynda Ekvador Respýblıkasynan kelgen raýshan gúlderinen synamalar alyndy.

Jalpy kólemi 50 695 dana.

«Fıtosanıtarııa» RMK Qaraǵandy oblystyq fılıalynyń saraptama qorytyndysyna sáıkes, gúlderdiń bir bóliginen karantındik nysan — batys gúl trıpsi tabylyp, ákimshilik is qozǵaldy.

Materıaldar qoldanystaǵy zańnamaǵa sáıkes protsestik sheshim qabyldaý úshin sotqa joldandy.

AShM MIK syrtqy ekonomıkalyq qyzmetke qatysýshylarǵa el aýmaǵyna karantınge jatqyzylǵan ónimderdi ákelý kezinde fıtosanıtarııalyq zańnama talaptaryn qatań saqtaý qajettigin eskertedi.

Aıta ketelik Ulytaý oblysyn jataǵan ýkekire jaılap, karantın engizilgen edi.