Ekvadordaǵy jer silkinisi: 233 adam ajal qushty
ASTANA. QazAqparat - Ekvador jaǵalaýynda bolǵan magnıtýdasy 7,8 qýatty jer silkinisiniń saldarynan kem degende 233 adam qaza tapty, dep málimdedi eldiń prezıdenti Rafael Korrea. Apatqa ushyraǵan aýdanǵa kómekke 10 myń áskerı qyzmetker men 3500 polıtseı jiberildi.
AQSh-tyń geologııalyq qyzmetiniń derekteri boıynsha, zilzalanyń kindigi jaǵalaýdaǵy Mýısne qalasynyń ońtústik-batysqa qaraı 27 shaqyrym jerde bolǵan, oshaǵy 19 shaqyrym tereńdikte ornalasqan.
Kóptegen úılerdiń qıraǵandyǵy týraly habarlar túsýde. Ekvadordyń alty provıntsııasynda tótenshe jaǵdaı jarııalandy.
