Ekvadordaǵy sý tasqynynan 27 adam mert boldy

NUR-SULTAN. QazAqparat – Ekvador astanasy Kıto qalasynda dúısenbi kúni tolassyz jaýǵan jańbyrdan aýqymdy sý tasqyny bolyp, kem degende 27 adam qaza tapty. Bul týraly juma kúni qala ákimshiligi málim etti, dep habarlaıdy QazAqparat.

«27 adam qaza taýyp, 55-i jaraqat aldy (41-i aýrýhanadan shyqty, 14-i aýrýhanada jatyr, biri aýyr halde), ekeýi iz-túzsiz joǵalǵandar qatarynda», - delingen ákimshiliktiń Twitter-degi habarlamasynda . Buǵan deıin 23 adamnyń mert bolǵany habarlanǵan edi.

Dúısenbi kúni Ekvador astanasynda tolassyz jańbyr jaýyp, saldarynan mańyzdy joldar jabylyp qaldy. Sý tasqynynan birneshe ǵımarat zaqymdalyp, elekt qýaty sóndi. Qutqarýshylar zardap shekken aýdandarda jumys istep jatyr.