Ekvadorda zilzala qurbandarynyń sany 480-ge jetti
ASTANA. QazAqparat - Ekvadordaǵy joıqyn jer silkinisine keıin 1700 adam iz-túzsiz ketti. Al qurban bolǵandar sany 480-ge jetti, dep habarlaıdy el úkimeti.
«Bizde joǵalǵandar tiziminde 2 myń adam bolǵan. Qazir olardyń úsh júziniń qaıda ekeni anyqtaldy», - dep habarlady eldiń ІІM basshysynyń orynbasary Dıego Fýentes.
Zilzaladan zardap shekkender sany 2,5 myń adamnan asyp ketti. Qyzyl krest uıymynyń málimetinde Ekvadordyń 100 myńnan astam turǵyny kómekke zárý ekendigi kórsetilgen.
Eske sala ketsek, senbi kúni keshke qaraı Ekvadordyń jaǵalaýynda terbelisi 7,8 joıqyn jer silkinisi tirkeldi. AQSh-tyń geologııalyq qyzmetiniń deregine sensek, jer silkinisi oshaǵy jaǵadaǵy Mýısn qalasynan 27 shaqyrym jerde 19 shaqyrym tereńdikte oryn alǵan.
Apat saldarynan ǵımarattar qırap, joldar búlingen. Qala basshysy Pedernalestiń aıtýynsha zilzala oshaǵyna jaqyn tustaǵy ǵımarattar tolyǵymen qıraǵan.
Prezıdent Rafael Korrea Italııaǵa resmı saparyn keıinge qaldyrdy, ol apatty sońǵy 70 jyldaǵy eń qaıǵyly oqıǵa dep málimdedi.
Foto: ©Alfredo Lagla/Global Look Press
