Ekvadorda jerleý rásimi kezinde tirilip ketken áıel bir aptadan soń qaıtys boldy
ASTANA. QazAqparat - 76 jastaǵy Ekvador turǵyny óziniń jerleý rásimi kezinde tirilip ketken. Ulynyń aıtýynsha, ol jerleý rásiminde tabyttyń qaqpaǵyn qaǵa bastaǵan, artynsha dereý aýrýhanaǵa jetkizildi. Áıel taǵy bir apta ómir súrdi, osy aralyqta dárigerler onyń ómirin aman alyp qalýǵa tyrysty, dep habarlaıdy QazAqparat VVS-ge silteme jasap.
Alǵashynda dárigerler 9 maýsymda Babahoıo qalasynda Bella Montoııanyń qaıtys bolǵanyn aıtty. Ol jerleý úıine jiberilip, tabytqa jatqyzyldy.
Jerleý rásimi bastalǵannan keıin arada shamamen bes saǵat ótkende áıeldiń týystary tabyttan shyǵyp jatqan dybysty estigen.
Tabytty ashqanda áıel aýyr tynys alyp jatqan.
«Bárimiz qorqyp kettik», - deıdi Barbera.
Áıeldiń tiri ekeni belgili bolǵan soń týystary jedel járdem shaqyrdy.
Oqıǵaǵa deıin Montoııa ınsýlt kúdigimen aýrýhanaǵa jatqyzyldy.
«Onyń júregi, tynys alýy toqtaǵan, reanımatsııalyq áreketterge jaýap bermegendikten kezekshi dáriger ony qaıtys boldy degen qorytyndy shyǵarǵan», - delingen Ekvador densaýlyq saqtaý mınıstrliginiń málimdemesinde.
Qaıta tekserý kezinde onyń jaǵdaıy turaqtaldy, biraq uzaqqa sozylmady.
Reanımatsııada jeti kún jatqannan keıin juma kúni ıshemııalyq ınsýlttan qaıtys boldy.
Ekvador bıligi oqıǵany egjeı-tegjeıli tekserip, atalǵan aýrýhanada ólim týraly kýálik berý protsedýrasyn zertteýge kiristi.
Óıtkeni Bella Montoııa resmı túrde ólim týraly habarlanǵannan keıin «tirilip ketken» jalǵyz áıel emes.
Aqpan aıynda Nıý-Iork shtatyndaǵy jerleý úıine jetkizilgen 82 jastaǵy áıeldiń áli de tynys alyp jatqany belgili bolǵan edi. Al onyń ólgeni sodan úsh saǵat buryn rastalǵan.
