Ekvadorda segiz táýlik qaraly kún jarııalandy
ASTANA. QazAqparat - Ekvadorda ótken jeksenbide magnıtýdasy 7,8 baldyq jer silkinisi saldarynan qaza tapqandardy aza tutyp, segiz táýlik qaraly kún jarııalandy. Bul týraly el prezıdenti Rafael Korrea málimdedi, dep habarlady Globovision telearnasy.
«Bul - ult tragedııasy. Jaqyndarynan aıyrylǵandar úshin taıaý saǵattarda segiz kúndik qaraly kún engizý týraly jarlyqqa qol qoıamyn», - degen Korreanyń sózin keltirdi RBK.
Sońǵy derekter boıynsha qaza tapqandar sany 646, habar-osharsyz ketkender sany 130. Jer asty dúmpýi saldarynan 7 myńǵa jýyq úı qırap, 2 myń 740 adam zardap shekti. Korrea qaza tapqandardyń ishinde Kanada, Kolýmbııa, Brıtanııa memleketteriniń azamattary bar ekenin atap ótti.
Bul sońǵy 37 jyldaǵy iri jer silkinisi. Ekvadordyń alty provıntsııasynda tótenshe jaǵdaı rejimi jarııalandy. EO shuǵyl gýmanıtarlyq kómek retinde 1 mln dollar bóldi.
Senbige qaraǵan túni 23 sáýirde Ekvadorda taǵy 5,8 baldyq jer silkinisi boldy. Qurbandar men zardap shekkender jaıly aıtylmady.
