Ekvadorda prezıdentke shabýyl jasaǵany úshin 6 polıtseı 12 jylǵa sottaldy
ASTANA. QazAqparat - Ekvador soty prezıdent Rafael Korreany óltirmek bolǵan alty polıtseıdi 12 jylǵa bas bostandyǵynan aıyrdy. Bul týraly sheteldik BAQ habarlady.
Oqıǵa 2010 jyly 30 qyrkúıekte bolǵan. Bul kúni polıtseıler men áskerılerdiń jalaqysyna jumsalatyn qarjy kólemin qysqartý týraly zańnyń qabyldanǵany saldarynan narazylyqtar bolǵan. Іri qalalardyń kóshelerine júzdegen adam shyqty. Saldarynan 1 adam qaza taýyp, 274 adam japa shekti.
Korreanyń dál janynda kózdi jasaýratatyn gaz ballonynyń jarylýynan aýrýhanaǵa jetkizildi. Narazylyqqa shyqqan polıtseıler aýrýhanany qorshaýǵa alyp, prezıdent ǵımarattan 10 saǵattaı shyǵa almaǵan. Kelesi kúni prezıdentke adal ásker jaǵdaıdy baqylaýǵa aldy.
Birneshe kúnnen keıin, 5 qazanda narazylyqqa qatysy bar degen kúdikpen 46 polıtseı qamaýǵa alyndy.
