Ekvadorda prezıdent jáne parlament saılaýynda daýys berý aıaqtaldy
BOGOTA. TASS-QazAqparat – Ekvadorda jeksenbi kúni jergilikti ýaqyt boıysha 17:00-de (Nur-Sultan ýaqytymen 04:00-de) prezıdent jáne parlament saılaýynda daýys berý aıaqtaldy. Eldiń Ulttyq saılaý keńesi saılaýshylardyń óz erkin bildirýdiń alǵashqy resmı nátıjelerin saǵat 20:00-de (Nur-Sultan ýaqytymen 08:00-de) jarııalaıdy, dep habarlaıdy QazAqparat TASS agenttigine silteme jasap.
Clima Social kompanııasy jarııalaǵan ekzıtpoldyń málimetinshe, prezıdent saılaýynyń birinshi kezeńiniń qorytyndysy boıynsha Andres Araýs 36,2% daýys jınap kósh bastap tur. Ekinshi orynda – ońshyl-ortalyqshyl «KREO qozǵalysynyń» kandıdaty, burynǵy bankır Gılermo Lasso (21,7%), úshinshi orynda – solshyl «Pachakýtık kóp ultty birlik úshin qozǵalystyń» kandıdaty ıAký Peres (16,7%).
Birinshi kezeńde jeńiske jetý úshin úmitker absolıýtti kópshilik daýysqa ıe bolýy kerek nemese ózinen keıingi oryndaǵy qarsylasynan aıyrmashylyq kem degende 10% bolýy, bar daýystyń 40%-dan astamyn jınaýy qajet. Eger eshkim ondaı nátıjege qol jetkize almasa, 11 sáýirde saılaýdyń ekinshi kezeńi ótedi, oǵan eń kóp daýys jınaǵan eki kandıdat qatysady.
