Ekvadorda prezıdent saılaýy aldynda taǵy bir saıasatkerdi atyp ketti

ASTANA. QazAqparat – Ekvadorda «Azamattyq revolıýtsııa» qozǵalysy jetekshileriniń biri óz úıiniń janynda oqqa ushty. Osydan birneshe kún buryn ǵana Ekvador prezıdenttigine kandıdat taǵy bir saıasatker óltirilgen edi, dep habarlaıdy QazAqparat dw.com-ǵa silteme jasap.

Ekvadordyń Esmeraldas provıntsııasynda «Azamattyq revolıýtsııa» solshyl saıası qozǵalysynyń jetekshisi Pedro Brıonesti úıiniń janynda belgisiz bireýler atyp óltirdi, dep habarlady dúısenbi, 14 tamyzda onyń partııalastary.

«Azamattyq revolıýtsııa» partııasynan prezıdenttikke úmitker Lýıs Gonsales marqumnyń týystaryna kóńil aıtty. «Ekvador eń qandy dáýirdi bastan ótkerýde. Osy zorlyq-zombylyq kezinde qaza tapqan áriptesim Pedro Brıonestiń otbasynyń qaıǵysyna ortaqpyn», - dep jazdy ol H (burynǵy Twitter) áleýmettik jelisindegi paraqshasynda.

Birneshe kún buryn elde taǵy bir saıasatker – «Stroı» qozǵalysynyń prezıdenttikke kandıdaty Fernando Vılıavısensony óltirip ketken edi.

Ekvadorda 20 tamyzda merziminen buryn prezıdenttik jáne parlamenttik saılaý ótedi.