Ekvador prezıdenti Danıel Noboanyń kortejine oq atyldy

ASTANA. KAZINFORM — Kanar provıntsııasynda belgisiz qarýly adamdar Ekvador prezıdenti Danıel Noboanyń kóligine oq jaýdyrdy, dep habarlaıdy Report.

Aqparatta aty atalmaǵan mınıstr memleket basshysy sharaǵa jaqyndaǵan kezde prezıdent kortejin 500-ge jýyq adam qorshap alyp, kólikterge tas atqylaǵanyn aıtqan.

— Prezıdenttiń kóliginen oq izderi tabyldy, — dedi belgisiz sheneýnik.

Ekvadordyń qorshaǵan orta jáne energetıka mınıstri Ines Manzano Noboaǵa qastandyq jasalǵany týraly resmı málimdemeden keıin pikir bildirdi. Ol prezıdenttiń zardap shekpegenin jáne oqıǵaǵa qatysty 5 adamnyń qamaýǵa alynǵanyn aıtty.

Eske sala keteıik, buǵan deıin Germanııada qala meri pyshaq shabýylynan birneshe jaraqat alǵan edi.