Ekvadorda polıtsııa búlik shyǵardy: armııa prezıdenttiń jaǵynda
ASTANA. Qazannyń 2-si. QazAqparat - Ekvadordyń elordasy Kıto qalasy men eldiń úlken qalalarynyń biri Gýaıakılede beısenbi kúni ótken polıtseılerdiń narazylyq aktsııasy prezıdent pen onyń saıasatyna narazy tártip saqshylarynyń teketiresine ulasty.
Polıtseıler prezıdenttik saraıynan shyǵyp, narazylyq bildirýshilerge basý aıtpaq bolǵan el prezıdenti Rafaeı Korreaǵa shabýyl jasady. Prezıdentke qaraı kózden jas shyǵaratyn granata laqtyryldy, dep habarlaıdy ITAR-TASS agenttigi.
Prezıdent, oqıǵa ornynan qashyp bara jatqan kezde, aıaǵynan jaralanyp, jaqyn mańdaǵy gospıtalge jetkiziledi. Biraq ol gospıtaldy da ereýilshiler qorshaýǵa alady. Armııa ókilderi arnaıy operatsııa júrgizip, prezıdent Korreany qorshaýdan shyǵaryp aldy. Arnaıy jasaqtyń jaýyngerleri polıtseılerdiń qorshaýyn buzyp kirip, memleket basshysyn saýytty kólikpen qaýipsiz jerge alyp ketti. Gospıtal mańynda birazǵa deıin atys boldy. Joq degende, bir adamnyń qaza bolǵany, taǵy segiz adamnyń jaraqat alǵany habarlanyp otyr.
Prezıdent Korrea radıoǵa bergen suhbatynda «oppozıtsııanyń memlekettik búlik jasamaq bolǵanyn» málim etti. Biraq ol, «óz mindetin atqarýdy jalǵastyra beretinin» aıtty.
