Ekvadorda qala merin atyp ketti

MANTA. QazAqparat – Ekvador qalalarynyń biriniń meri qurylys nysanyn tekserý kezinde jasalǵan shabýyl saldarynan oqqa ushty, dep habarlaıdy QazAqparat VVS-ge silteme jasap.

Jeksenbi kúni Manta qalasynyń meri Agýstın Intrıago qarýly qylmyskerdiń shabýyly saldarynan birneshe jaraqat aldy. Sondaı-aq shabýyl kezinde merdiń qasynda bolǵan jergilikti fýtbolshy Arıana Estefanııa Chankaı da qaıtys boldy.

Polıtsııa ázirge shabýylshyny anyqtaǵan joq, biraq mer Intrıagony bopsalaǵanyn rastady. Resmı tulǵalardyń aıtýynsha, urlanǵan kólikpen kelgen qarýly adam merge birneshe ret oq atqan. Ol alǵan jaraqatynan aýrýhanada kóz jumdy.

Kólikti júrgizgen adam qýǵyn kezinde jaralanyp, qamaýǵa alyndy. Al oq atqan adam izin jasyryp úlgergen.

Mer Intrıago aqpan aıynda tórt jyldyq merzimge qaıta saılandy. Shabýyl kezinde ol jańa káriz júıesi salynyp jatqan qurylys alańyn tekserip júrgen. Sol sátte onyń qasyna jergilikti «Las Dragonas» klýbynyń 29 jastaǵy fýtbolshysy Arıana Chankaı kelip, qala merinen komandasyna qoldaý kórsetýin ótingisi kelgen. Bul jaǵdaı Ekvador halqyn dúr silkindirdi.

Aqpan aıynda Pýerto-Lopes merligine úmitker saıasatker saılaý ýchaskeleri ashylýyna birneshe saǵat qalǵanda óltirilgen. Osydan birneshe apta buryn taǵy bir jaǵalaýdaǵy Salınas qalasynyń merligine úmitker de oqqa ushqan bolatyn.