Ekvadorda el tarıhyndaǵy eń jas prezıdent saılandy

15 qazan kúni Ekvadorda prezıdent saılaýynyń ekinshi kezeńi aıaqtaldy. Onda el parlamentiniń burynǵy depýtaty Danıel Noboa jeńiske jetti. Kazinform agenttigi bul týraly DW-ǵa silteme jasap habarlaıdy.

Noboanyń saılaýdaǵy qarsylasy «Azamattyq revolıýtsııa» solshyl qozǵalysynyń kandıdaty Lýısa Gonsales boldy.

Daýystardyń 90 paıyzy sanalyp bolǵannan keıin Ekvadordyń Ulttyq saılaý keńesi Noboanyń jeńisin merziminen buryn jarııalady. Gonsales qarsylasyn jeńisimen quttyqtady.

35 jastaǵy Noboa – Ekvador tarıhyndaǵy eń jas prezıdent.

Onyń ákesi, kásipker Alvaro Noboa da buǵan deıin birneshe ret prezıdenttik saılaýǵa túsken.

Saılaýaldy naýqan kezindegi saýalnamalarda kishi Noboa aýtsaıderlerdiń biri boldy, al birinshi prezıdenttik saılaýda ol nebári 24 paıyz daýys jınap, Gonsalesten jeńilip qalǵan. Ol kezde kandıdattardyń eshqaısysy 50 paıyz daýys jınaı almaǵandyqtan, Noboa ekinshi týrǵa ótti.

Ekvadorda prezıdenttik saılaý merziminen buryn ótti, ony 2023 jyldyń mamyrynda qazirgi memleket basshysy Gılermo Lasso jarııalady.