Ekvadorda avtobýstyń jyraǵa qulaýynan 14 adam qaza tapty
ASTANA. Qazannyń 30-y. QazAqparat - Juma kúni Ekvador astanasy Kıto qalasynyń ońtústik-batysynan 90 shaqyrym jerde jyraǵa qulaǵan avtobýs apatynan kem degende 14 adam qaza taýyp, 19 adam jaraqattandy,
dep habarlaıdy Ekvador radıosynyń aqparatyna silteme jasaǵan RIA Jańalyqtar agenttigi.
«Apat San-Fransısko eldi mekeniniń janyndaǵy Sıgchos-Latakýnga tas joly ótetin Kotopaksı provıntsııasynda oryn aldy. 48 jolaýshy mingen Saquisili fırmasynyń qalaaralyq avtobýsy aınalma joldyń burylysynda birneshe ret aýdarylǵan soń, 100 metrden astam bıiktikten jyraǵa qulaǵan», - dedi radıojańalyqtar habary barysynda jol polıtsııasynyń ókili.
Qutqarýshylar 14 adamnyń máıitin tapty, sonyń ishinde avtobýs júrgizýshisi de bar. 19 adam aýrýhanaǵa jetkizildi, olardyń basym bóligi aýyr halde jatyr.
Trassa boıyndaǵy kólik qozǵalysy jabyldy, taý baýraıynda qutqarý jumystary júrip jatyr. Apattyń naqty sebepteri anyqtalýda, alaıda, polıtsııanyń bergen aqparaty boıynsha júrgizýshi joldyń qaýipti aýmaǵyna kelgende jyldamdyqty arttyryp jibergen.
