Ekvadorda 6,3 baldyq jer silkinisi boldy

ASTANA. KAZINFORM — Ońtústik Amerıkadaǵy Ekvador elinde 6,3 magnıtýdaly jer silkinisi boldy. Bul týraly Anadoly habarlady.

AQSh Geologııalyq qyzmetiniń (USGS) málimetinshe, 6,3 magnıtýdaly jer silkinisiniń epıtsentri Esmeraldas provıntsııasynan soltústik-batysqa qaraı 20 shaqyrym jerde ornalasqan. Jer silkinisi 35 shaqyrym tereńdikte tirkeldi.

Bul jer silkinisine baılanysty tsýnamı qaýpi týraly eskertý jarııalanbady, qurbandar men materıaldyq shyǵyndar týraly aqparat joq.

Aıta keteıik, 2016 jylǵy 17 sáýirde Ekvadorda 7,8 magnıtýdaly jer silkinisinen 77-den astam adam qaza tapqan bolatyn.

Ekvador Tynyq muhıtynyń «Otty beldeýi» dep atalatyn seısmıkalyq qaýipti aımaqta ornalasqan, munda jer silkinisi jıi bolyp turady.

Aıta ketelik Túrkııanyń batysynda 4,5 baldyq jer silkinisi boldy.