Ekvador jeti provıntsııada tótenshe jaǵdaı jarııalady
ASTANA.KAZINFORM — Ekvador prezıdenti Danıel Noboa juma kúni ishki tártipsizdik pen qarýly qaqtyǵystardyń kúsheıýine baılanysty jeti provıntsııa men úsh mýnıtsıpalıtette 60 kúndik tótenshe jaǵdaı jarııalady, dep jazady Sınhýa.
D.Noboa tótenshe jaǵdaı engizýdiń negizgi sebebin qylmystyń artýy men uıymdasqan qarýly toptardyń kóbeıýimen baılanystyrdy. Tótenshe sharalardyń maqsaty — zorlyq-zombylyqty aýyzdyqtaý jáne qoǵamdyq tártipti qalpyna keltirýge buıryq berilgen áskerıler men polıtsııa qyzmetkerlerine qoldaý kórsetý.
Sondaı-aq birqatar aımaqtarda túngi komendanttyq saǵat engizildi.
2024 jyldyń qańtarynan bastap Ekvadorda úkimet «terrorıster» dep ataıtyn uıymdasqan qylmystyq toptarǵa qarsy «ishki qarýly qaqtyǵys» jalǵasyp jatyr.
Buǵan deıin habarlanǵandaı, Ekvadorda telestýdııaǵa shabýyl jasaý isi boıynsha jetekshi prokýror atyp óltirilgen bolatyn.