Ekvador túrmesindegi qaqtyǵys saldarynan qaza bolǵandar sany 58 adamǵa jetti
NUR-SULTAN. QazAqparat – Ekvador batysyndaǵy Gýaıakıl qalasynda ornalasqan túrmedegi qaqtyǵystar saldarynan kem degende 58 adam qaza bolyp, taǵy 12-si zardap shekken. Bul týraly senbi kúni Gýaıas provıntsııasynyń gýbernatory Pablo Arosemena málim etti, dep habarlaıdy QazAqparat TASS aqparat agenttigine silteme jasap.
«Qazirgi málimet boıynsha, 58 tutqyn qaza bolyp, jaraqat alǵan taǵy 12-si medıtsınalyq kómek alýda», - dedi ol aımaq úkimetiniń Facebook áleýmettik jelisinde kórsetilgen baspasóz konferentsııasynda. Buǵan deıin El Universo gazeti qaza bolǵan 52 adam týraly jazǵan bolatyn.
Búlik juma keshinde bastalǵan. Bılik málimetinshe, oǵan qarsylas bandalar arasyndaǵy qaqtyǵys sebep bolǵan. «Qazirgi kezde túrmeniń ishinde polıtsııa qyzmetkerleri júr, olar qaýipsizdikti qamtamasyz etýde», - dep habarlady baspasóz konferentsııasynda polıtsııa qolbasshysy Tannıa Varela.
28 qyrkúıekte osy túrmede qaqtyǵystar bolyp, saldarynan 119 tutqyn qaza bolǵan. El prezıdenti Gılermo Lasso eldiń penıtentsıarlyq júıesinde 60 kúnge tótenshe jaǵdaı jarııalady.
