Ekvador túrmesindegi búlik: 100-den astam sottalýshy qaza tapty
NUR-SULTAN. QazAqparat – Ekvadordyń Gýaıakıl qalasyndaǵy Lıtoral túrmesinde seısenbide bastalǵan sottalýshylar arasyndaǵy tóbelesti toqtatýǵa tórt júz polıtseı tartyldy. Qarsylas toptar arasyndaǵy qarýly qaqtyǵystan 116 adam qaza tapty, dep habarlaıdy QazAqparat VVS-ge silteme jasap.
Resmı tulǵalardyń aıtýynsha, bul – eldegi penıtentsıarlyq júıe tarıhyndaǵy eń qandy tóbeles.
Seısenbidegi tóbeles kezinde kem degende bes sottalýshynyń basyn kesip tastaǵan. Al oq jaraqatynan birneshe adam qaza tapty.
Lıtoral túrmesinde meksıkalyq esirtki kartelderimen baılanysy bar dep sanalatyn Ekvador bandalary jazasyn ótep jatyr. Ony eldiń eń qaýipti túrmeleriniń biri dep ataıdy.
Polıtsııa qolbasshysy Faýsto Býenano sottalýshylardyń granatalary bolǵanyn aıtady. Baqylaýdy qalpyna keltirý úshin 400 polıtsııa qyzmetkeri qajet bolǵan. Jergilikti buqaralyq aqparat quraldarynyń habarlaýynsha, búliktiń shyǵýyna Ekvadorda jumys isteıtin esirtki saýdasymen aınalysatyn iri meksıkalyq bandalar sebep bolǵan.
