Ekvador portyndaǵy órtten 35 keme zardap shekti
ASTANA. KAZINFORM – Ekvadordyń Manabı provıntsııasyndaǵy portta bolǵan iri órt saldarynan 14 balyqshylar qaıyǵy men 21 jyldam júretin kater zaqymdandy, dep habarlaıdy Anadolu.
Jergilikti buqaralyq aqparat quraldarynyń málimetinshe, órt Manta porty basqarmasynyń Balyqshylar aılaǵy aýmaǵynda shyqqan. Qazirgi ýaqytta órttiń shyǵý sebebi anyqtalyp jatyr. Oqıǵa kezinde eki adam zardap shekken.
Tergeýshiler órt qylmystyq toptar arasyndaǵy qaqtyǵystyń saldary ma, álde uıymdasqan qylmystyq qurylymdardyń shabýylyna baılanysty boldy ma degen nusqalardy tekserýde.
Ekvadordyń Táýekelderdi basqarý jónindegi ulttyq hatshylyǵynyń (SNGR) málimetinshe, órt Manta porty basqarmasyna qarasty kemelerde bolǵan.
– Shyǵyn kólemin baǵalaý jáne qajettilikterdi taldaý jumystary jergilikti bılik organdarymen birlesip jalǵasyp jatyr, – delingen vedomstvo habarlamasynda.
Bılik ókilderi oqıǵaǵa qatysty tergeý quzyrly organdardyń qatysýymen júrgizilip jatqanyn málimdedi.
Aıta keteıik, Shrı-Lankada qarttar úıindegi órtten 12 adam kóz jumdy.
