13:40, 26 Jeltoqsan 2025 | GMT +5
Jasandy uryqtandyrýǵa 30 jasqa tolmaǵan azamattar júgine bastady - embrıolog
ASTANA. KAZINFORM — EKU arqyly náresteli bolǵysy keletin azamattardyń jas ereksheligi jaǵynan aıtarlyqtaı aıyrmashylyq baıqalyp otyr.
— Buryn kóbine 32–35 jastan asqan áıelder júginetin. Qazir 30 jasqa tolmaǵan jastardyń úlesi kóbeıdi. Buǵan ekologııa, ómir salty, kúızelis áser etip jatyr, — deıdi Reprodýktıvti medıtsına ınstıtýtynyń embrıolog mamany Aldııar Málik.
Sondaı-aq ol bedeýliktiń er adamdar arasynda artyp kele jatqanyn aıtady.
— Er adamdar arasyndaǵy bedeýliktiń artýy da - EKU-ǵa júginýdiń bir sebebi. Qazirgi tańda er jáne áıel bedeýliginiń úlesi shamamen teń: 50/50, — deıdi ol.
Aıta keteıik, «Ańsaǵan sábı» áleýmettik baǵdarlamasy aıasynda 14 myń áıelge EKU qyzmetteri usynylǵanyn jazǵan edik.