Ekstremızm men lańkestik nasıhatyna qarsy qoǵamǵa ımmýnıtet qajet - M. Ázilhanov
Ol Taıaý Shyǵysta oryn alyp jatqan ahýalǵa alańdaýly ekenin aıta kele, bunyń keri áseri elimizge de qaýip týdyrýy múmkin ekenin jetkizdi.
M. Ázilhanovtyń sózine qaraǵanda, álemniń birqatar jerindegi ekstremızm men lańkestik belgileri bizge aqparattyq jáne ıdeologııalyq yqpal etýde. Bunyń saldarynan keıbir azamattar qandaı da bir ekstremıstik aktsııalarǵa qatysýǵa talpynyp, ondaǵy soǵysyp júrgenderdiń qataryna qosylý úshin el aýmaǵynan shyǵýǵa tyrysýda.
«Alaıda, shyn máninde bul - naǵyz lańkester», - M. Ázilhanov.
Osy oraıda ol Sırııa men Iraktaǵy jaǵdaı Qazaqstan azamattaryna aqparattyq-ıdeologııalyq turǵyda óte qatty áser etip otyrǵandyǵyn sóz etti. «Bundaı jaǵdaıda biz jaı ǵana baqylap tura almaıtynymyz anyq. Dindi jamylyp ekstermızm men lańkestik áreketteri - bul barsha álemdegi nómir birinshi taqyrypqa aınalyp otyr», - dedi vıtse-mınıstr.
Onyń aıtýynsha, bul problemany keshendi túrde ary qaraı zertteý kerek.
«Sonymen birge bizdiń ortaq maqsatymyz - qoǵamdyq sana-sezimde ekstremızmge qarsy mazmundaǵy áldebir ımmýndyq tetikterdi budan ary qaraı qalyptastyrý. Bul turǵyda bizdiń barlyq deńgeıdegi bilim berý men tárbıelik úderisterge qatysýymyzdy jalǵastyrý kerek. Mamandardy daıarlaýdyń sapasyn arttyrý mańyzdy. Atap aıtqanda, din salasynda bilikti mamandy daıarlaý - bul óte úlken jumys», - dep túıdi ol.
