Ekstremızm bizdiń elge ǵana emes búkil álemge qater tóndiredi - Qazaqstannyń Azamattyq alıansy

ASTANA. QazAqparat - Qazaqstannyń Azamattyq alıansy 5 maýsymda Aqtóbede oryn alǵan ekstremızmdi synǵa aldy.

Qasıetti Ramazan aıy qarsańynda oryn alǵan arsyz qylmys qatygezdigimen jáne aıarlyǵymen jaǵa ustatty. 

Qazaqstannyń Azamattyq alıansy qaza tapqandardyń januıalary men týǵandaryna kóńil aıtyp, jaraqattanǵandardyń tez saýyǵyp ketýine tilektestigin bildirdi.

«Bul oqıǵa - qazaqstandyq qoǵamda turaqtylyqty nyǵaıtýdyń mańyzdylyǵyn kórsetti.

Óıtkeni jalǵan dinı urandarmen jasyrynǵan ekstremızm men terrorızm bizdiń eldiń ǵana emes, sonymen qatar búkil álemdegi qaýipsizdikke qater tóndiredi.

Qazaqstannyń Azamattyq alıansy  barlyq qazaqstandyqtardy elimizdegi turaqtylyqty joǵary baǵalap, birlesip ortaq shańyraqtaǵy beıbitshilik pen tynyshtyqty qorǵaýǵa shaqyrady», delingen

Azamattyq alıanstyń málimdemesinde.