Ekstremıstik áreketterdi nasıhattaǵan shymkenttik 8 jyl 6 aıǵa sottaldy
ShYMKENT. KAZINFORM - Shymkent qalasynyń qylmystyq ister jónindegi aýdanaralyq sotynda ekstremıstik áreketterge shaqyrý faktisi boıynsha qylmystyq is qaraldy.
Sot dereginshe, sottalýshy 2025 jyldyń sáýir men mamyr aılary aralyǵynda №54 túzeý mekemesiniń aýmaǵynda jasyryn jıyndar uıymdastyryp, ekstremıstik uıymnyń kózqarastaryna jatatyn radıkaldy mazmundaǵy jazbalardy oqyǵan. Ol jıynǵa qatysýshylardy ekstremıstik áreketterge úndep, zańsyz ıdeologııany nasıhattaǵan.
Іs materıaldarymen sottalýshynyń kinási tolyq dáleldendi. Prokýror aıyptalýshyǵa bas bostandyǵynan aıyrý jazasyn taǵaıyndaýdy surady. Al sottalýshy óz kinásin moıyndap, jeńil jaza qoldanýdy ótindi.
Sot úkimine sáıkes, aıyptalýshynyń qylmystyq jaýapkershiligin jeńildetetin mán-jaı retinde onyń asyraýynda bes jasóspirim balasynyń bolýy eskerildi. Alaıda qylmystyń qaıtalanýy aýyrlatatyn mán-jaı retinde tanyldy.
Nátıjesinde sot Qylmystyq kodekstiń 259-babynyń 1-bóligi jáne 60-babynyń talaptaryna sáıkes, ony kináli dep tanyp, oǵan túpkilikti 8 jyl 6 aı merzimge bas bostandyǵynan aıyrý jazasyn taǵaıyndady.
Úkim zańdy kúshine engen joq.
Aıta keteıik, budan buryn Túrkistan oblysynyń turǵyny óziniń týý deregin 30 jyldan keıin dáleldegenin jazǵan bolatynbyz.