Ekstremıstik mazmundaǵy kitap taratqan turǵynǵa aıyppul salyndy

KÓKShETAÝ. QazAqparat – Aqmola oblysynda ekstremıstik materıaldardy saqtap, taratqan destrýktıvti dinı aǵymdy ustanýshy jaýapqa tartyldy, dep habarlaıdy QazAqparat tilshisi oblystyq polıtsııa departamentine silteme jasap.

Departamenttiń ektremızmge qarsy is-qımyl basqarmasynyń qyzmetkerleri áleýmettik jelige monıtorıng júrgizý kezinde ultshylyq ıdeologııa jáne radıkaldy baǵyttaǵy, radıkaldy násilshildik antısemıtızm, hrıstıanofobııa jáne antısyǵandyq, dinı mazmundaǵy ádebı kitaptardyń taratylǵanyn anyqtady.

«Jedel-izdestirý sharasy barysynda jarnama avtory – 31 jastaǵy, buryn sottalǵan Aqmola oblysynyń turǵyny ustaldy. Destrýktıvti dinı aǵymdy ustanýshy er adam dinı kitaptardy satý maqsatynda saıtta jarııalaǵan», - deıdi vedomstvodan.

Osyǵan baılanysty QR ÁQbK 490-babynyń 1 bóligi 3 bólimshesi boıynsha materıaldar jınaqtalyp, QR Aqparat jáne qoǵamdyq damý mınıstrliginiń Din isteri komıtetine dintaný saraptamasyn júrgizý úshin joldandy. Saraptama qorytyndysy boıynsha, materıaldar ekstremıstik jáne Qazaqstan Respýblıkasy aýmaǵynda saqtaýǵa jáne taratýǵa tyıym salynǵan.

«Kókshetaý qalalyq mamandandyrylǵan ákimshilik sotynyń sheshimimen QR ÁQbK 490- babynyń 1-bóligi boıynsha zań buzýshy jaýapqa tartyldy. Sot er adamǵa 36 aılyq eseptik kórsetkish mólsherinde aıyppul saldy», - dep tolyqtyrdy vedomstvodan.