Ekstremıstik ıdeologııany nasıhattaǵany úshin eki qaraǵandylyq jaýapqa tartyldy
Dástúrli emes ıslamdy ustanatyn Qaraǵandynyń eki azamaty «Telegram» ınternet-messendjerinde ekstremıstik materıaldardy belsendi túrde taratyp, zańsyz mıssıonerlik qyzmetpen aınalysqan. Qaraǵandy qalalyq mamandandyrylǵan aýdanaralyq ákimshilik soty Jekenov pen Dákenbaevty Ákimshilik quqyq buzýshylyq týraly QR kodeksiniń 490-baby 1-tarmaǵy 3-tarmaqshasy boıynsha ákimshilik jaýapqa tartty. Jekenov 50 AEK, al Dákenbaev - 70 AEK kóleminde aıyppul tóleıdi. Ekeýi de óz kinásin tolyqtaı moıyndady.
Aqpan aıynda Sátbaev qalasynda «Iegova kýágerleri» qaýymynyń ókilderi Jumkenov men Ismanov zańsyz mıssıonerlik qyzmetpen aınalysyp, dinı kitaptardy taratqany úshin 100 AEK kóleminde aıyppul tóleý arqyly ákimshilik jaýapqa tartyldy.
QR zańnamasyna sáıkes, áleýmettik jelilerde dinı radıkaldyq ıdeologııany taratýǵa, sondaı-aq zańsyz mıssıonerlik qyzmetpen aınalysýǵa jáne arnaıy dinı saraptamadan ótpegen dinı kitaptardy taratýǵa tyıym salynady.
