Ekstremıstik «At-takfır ýal-hıdjra» uıymyna qatystylyq jaýapkershilikke soqtyrady - Bas prokýratýra

ASTANA. QazAqparat - 2014 jyly 18 tamyzda Astana qalasy prokýrorynyń aryzy boıynsha Astana qalasynyń Saryarqa aýdandyq sotynyń «At-takfır ýal-hıdjra» halyqaralyq uıymyn ekstremıstik dep taný jáne onyń qyzmetine Qazaqstan Respýblıkasyndaǵy tyıym salý jónindegi sheshimi shyqqan bolatyn.

Osy sheshimdi shyǵarý kezinde atalǵan uıymnyń ekstremıstik baǵyttaǵy qyzmeti jónindegi qolda bar materıaldarmen qatar sotpen «At-takfır ýal-hıdjra» halyqaralyq uıymynyń qyzmetine Reseı Federatsııasynda, Qyrǵyzstanda, AQSh-ta, Túrik Respýblıkasynda jáne Eýropalyq odaqta tyıym salynǵandyǵy eskerildi.

Sot sheshimi zańdy kúshine endi, osyǵan oraı «At-takfır ýal-hıdjra» halyqaralyq uıymynyń qyzmetine qandaı da bir qatystylyq (qyzmetine qatysý, qarjylandyrý, ıdeologııasyn nasıhattaý jáne t.b.) zańmen belgilengen jaýapkershilikke ákelip soǵady, dep habarlady QR Bas prokýratýrasynyń baspasóz qyzmetinen.