Ekstremıstermen kúresti eń aldymen ıdeıaly túrde júrgizgen jón - M. Áshimbaev
ASTANA. 17 maýsym. QazAqparat - Ekstremıstermen kúresti eń aldymen ıdeıaly túrde júrgizgen jón.
Búgin Májiliste QR Din isteri agenttiginiń qyzmetine arnalǵan Úkimet saǵatynda Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev osylaı málim etti.
«Qazaqstan sońǵy jyldary dinı ekstremızm problemasymen betpe-bet kelgenin jasyra almaımyz. Bul kóbine elimizge syrttan áser etetin halyqaralyq radıkaldy dinı ortalyqtardyń naqty baǵyttalǵan jumysynyń nátıjesinde oryn alýda», - deı kele komıtet tóraǵasy byltyr terrorızmmen kúres boıynsha jańa zań qabyldanǵanyn, al Din isteri agenttigi osy zań aıasynda arnaıy tetikterdi iske asyryp jatqanyna toqtalyp ótti.
Máýlen Áshimbaevtyń aıtýynsha, dinı radıkalızmniń aldyn alý úshin júıeli túrdegi úgit-nasıhat jumystary belsendi túrde qajet. «Jalpy ekstremıstermen kúresti eń aldymen ıdeıaly túrde júrgizgen jón. Eger osy jumysty tıisti deńgeıde atqara almasaq, onda kúsh qoldaný sharalary da oń nátıje bermeıtini anyq», - deıdi M. Áshimbaev.
