Ekstremaldy júgirýden halyqaralyq jarys: reseılikter úzdik atandy

Júgirý jarysy úsh kezeńnen turdy erler men áıelder arasynda jáne komandalyq saıys.

Erler arasyndaǵy jáne komandalyq básekede reseılik qatysýshylar úzdik dep tanyldy.

«Red Bull 400» júgirý jarysyna osymen úshinshi jyl qatysýym. Buǵan deıin eki ret Reseıde qatystym. Negizinen buǵan deıin bıatlon jáne shańǵy sportymen kásibı aınalysqanmyn. Bıyl geografııany keńeıtip, Qazaqstandaǵy jarysqa qatysýdy uıǵardyq. Nátıje ózińiz kórip turǵandaı, jeke jáne komandalyq quram boıynsha da 1-orynǵa ıe boldyq. Jeke óz basyma aıtýly shara óte unady. Uıymdastyrý deńgeıi de joǵary. Ásirese tramplın bazasy keremet, zamanaýı ári barlyq jaǵdaı jasalǵan. Álemdegi eń úzdik tramplın ortalyq bazasy dep aıtýǵa bolady. Aldaǵy jyldary turaqty túrde qatysýǵa tyrysamyz«, - dedi erler arasynda júgirýden jeńimpaz atanǵan, reseılik Petr Tıhonov.

Al áıelder arasynda qostanaılyq Tatıana Neroznak I oryndy ıelendi.

Barlyq qatysýshylarǵa estelik medali berilse, jeńimpazdarǵa qarjylaı syıaqy berildi.

Atap aıtqanda, 1 orynǵa 300 myń teńge, 2 oryn 200 myń teńge tıisinshe 3 oryn ıelerine 100 myń teńge tabys etildi.

«Búgingi halyqaralyq sporttyq shara Aqmola jerinde alǵash uıymdastyrylyp otyr. Jalpy ótý deńgeıi men nátıjesi aıtýǵa turarlyqtaı. Osy turǵyda biz »Red Bull 400« júgirý jarysyn jyl saıyn ótkizip, dástúrge aınaldyrý josparda bar. Sebebi qatysqysy keletinderdiń sany artýda. Bıyl 300-ge jýyq adam qatyssa, keler jyly bul kórsetkishti 2 myńǵa deıin jetkizý oıda bar. Sondaı-aq, Şýchınskidegi shańǵy tramplıni uıymdastyrýshylardyń qyzyǵýshylyǵyn týdyryp otyr. Oǵan sebep, baza álemdegi eń úlken jáne sońǵy úlgimen salynǵan ortalyq bolyp sanalady. Sondyqtan Red Bull kompanııasymen aldaǵy 2-3 jyl kóleminde joǵaryǵa ekstremaldy júgirýden álem chempıonatyn ótkizý máselesin kóterýdemiz», - dedi Aqmola oblysy ákiminiń orynbasary Marat Iǵalı.

Aıta ketsek, buǵan deıin 300-ge jýyq sportshy qatysqan ekstremaldy júgirý jarysynyń ótip jatqandyǵy týraly habarlaǵan bolatynbyz.