Ekstremal–bloger Almaty metrosynyń beınebaqylaý kamerasyna túsip qaldy
ALMATY. QazAqparat – Almaty metropolıteniniń ókilderi ekstremaldyń metro vagonyna jabysyp alǵan sáti taspalanǵan vıdeony kórsetti, dep habarlaıdy QazAqparat tilshisi.
«Abaı» stantsııasynda túsirilgen kadrdan poıyzdyń kele jatqanyn jáne vagonyń artynda jabysyp turǵan jigitti kórýge bolady. Toqtaǵannan keıin jas jigit perronǵa sekirip, sońǵy vagonǵa kiredi.
Metronyń baspasóz qyzmetiniń málimetinshe, jolaýshylarǵa qyzmet kórsetetin kezekshi bul kezde qarama qarsy platformada ketken jolaýshylardy shyǵaryp salyp turǵan. Osy ýaqytty paıdalanyp, bloger poıyzǵa jabysyp alǵan.
Aıta keteıik, Almaty polıtsııasy metro vagonyna jarmasyp alǵan blogerdi izdestirýde.
