«Ekstrasenster saıysynyń» fınalısi qazaqstandyqtar úshin 2016 jylǵa joramal jasady

- ıÝlııa, aldymen ózińiz jaıly jáne astrologııaǵa degen áýestigińiz jaıly áńgimelep berseńiz.

- Men Almatyda týyp óstim, Abylaı han atyndaǵy Qazaq halyqaralyq qatynastar jáne álem tilderi ýnıversıtetin bitirip, kóp jyldar Qazaqstannyń batys óńirinde tehnıkalyq aýdarmashy bolyp qyzmet atqardym. Sol jaqta belgili astrolog Pavel Globanyń shákirti, voronejdik azamatshamen tanystym. Sodan, 2006 jyldan bastap, kóripkeldikpen aınalysa bastadym. Odan ári Pavel Globanyń mektebin támamdadym (Avestalyq astrologııa mektebi dep atalady). Men negizi bul salaǵa qashanda asqan qyzyǵýshylyqpen qaraıtynmyn. Qazir, ózimniń de shákirtterim bar. Solardyń biri - rejısser, klıpmeıker Marat Svoık.

- «Ekstrasenster saıysy» shoýyna qalaı qatystyńyz?

- Men erte me, kesh pe bul shoýǵa áıteýir bir qatysatynymdy biletinmin. Arnaıy saýalnamaǵa jaýap bergen soń, meni resmı túrde shaqyrdy. Ol jerde eń aldymen úlken irikteý sharasy ótti: 250 qatysýshynyń ishinen 100 adam tańdap alyndy. Keıin sol 100 adam «shymyldyqpen synaý» baıqaýyna qatysty. Bul úshin barlyǵymyzdy bir ormanǵa alyp keldi. Alǵashynda qaıda alyp kele jatqanyn bilgen joqpyz. Orman ishinde, shymyldyqtyń arǵy jaǵynda bir shytyrman áreketter bolyp jatty. Biz ne bolyp jatqanyn barynsha dál sıpattap berýge tıisti boldyq. Men buǵan qol jetkizip, kelesi kezeńge óttim. Sóıtip, osylaısha, kezeń-kezeńnen ótip júrip, 12 fınalıstiń qataryna iliktim. Alaıda kóp uzamaı óz erkimmen jobadan kettim. Óıtkeni ári qaraı óte almaıtynymdy sezdim.

- Sol «Ekstrasenster saıysyna» qatysqanyńyzǵa rızasyz ba?

- Árıne, Ózimniń qabiletime senimim artty jáne ózim sekildi adamdarmen tanystym. Aǵylshyn tilin biletinimniń kóp paıdasy tıdi. Óıtkeni, onda aǵylshyntildi ekstrasenster kóp boldy. Solardyń keıbirimen birlesip, estrada juldyzdary jáne ekstrasensterdiń qatysýymen shoý-baǵdarlama uıymdastyrsam degen nıetim bar.

- 2016 jylǵa da aıaq bastyq. Meshin jyly tabysty bolýy úshin, ony qalaı qarsy alý kerektigi jóninde qazaqstandyqtarǵa qandaı aqyl-keńester berer edińiz?

- Qyzyl Jalyndy Meshin jylyn qyzyl tústi kıimmen qarsy alý kerek. Bul jerde qyzyl, kúlgin jáne aqshyl kók tústi reńder de bola beredi. Biraq, qara nemese surǵylt tústi kıimder kııýdiń qajeti joq. Bul Otty Meshindi renjitýi, tipti ashýlandyrýy múmkin.

Úı jabdyǵy da sáıkesinshe bolǵany jón. Meshin jaltyrap, jaınap turǵandy jaqsy kóredi. 2016 jyl - Qyzyl Jalyndy Meshin jyly bolǵandyqtan, sáıkesinshe, dastarhanda mindetti túrde maısham, qolsham bolýy kerek. Meshinniń kóńilin aýlaý úshin ústelge ishine banan, apelsın, ananas sekildi tropıkalyq jemister salynǵan vaza qoıǵan da artyqtyq etpeıdi.

Meshin ádemilikti jaqsy kóredi, sondyqtan jańa jyldyq dastarhandy erekshe jasampazdyq nıetpen ázirlegen durys. Oǵan túri, formasy jáne dámi de erekshe taǵamdar qoıylǵany jón. Ádemi jasalǵan dastarhan jáne erekshe yqylaspen ázirlengen taǵamdar - 2016 jyldaǵy baqyt pen sáttiliktiń sımvoly! Jalpy, naqtysyn aıtý kerek, Jańa jyl qytaılyq kúntizbe boıynsha 8-shi aqpanda enedi.

- Jalpy, elimiz úshin qandaı boljam aıtar edińiz?

- Juldyznama boıynsha Qazaqstannyń aıy - Mergen. Óıtkeni táýelsizdik kúnin 16-shy jeltoqsanda atap ótemiz ǵoı. Qazir Mergen shoqjuldyzynda Qońyrqaı, ıaǵnı Satýrn ǵalamshary basymdyqqa ıe. Bul shekteýlik ǵalamshary. Ol zodıaktyń árbir belgisine de 2,5 jyl turaqtaıdy. Demek, ol Mergen shoqjuldyzynan ketpeıinshe, bizdiń elde ýaqytsha qıyndyqtar bolýy múmkin. Qońyrqaı ǵalamshar Mergen belgisine 2014 jyldyń jeltoqsan aıynda engen bolatyn. Endi tek 2017 jyldyń maýsymynda shyǵady.

- Al juldyznama boıynsha zodıaktyń árbir 12 belgisine qandaı joramal aıtar edińiz?
- Men negizinen joramalymdy Esekqyrǵan, ıaǵnı Kún júıesiniń besinshi ǵalamshary - ıÝpıterge súıenip aıtamyn. Jalpy, ıÝpıter - úlken baqyttyń ǵalamshary. Qazir ol Bıkesh shoqjuldyzynda ornalasqan. Aldaǵy tamyz aıynda Tarazy shoqjuldyzyna aýysady. Sáıkesinshe, qazir tamyz aıyna deıin barlyq qurlyqtyq belgiler: Bıkeshterdiń, Taýeshkilerdiń, Torpaqtardyń joly bolady.

Negizi, Esekqyrǵan Bıkeshte turǵan shaqta kásipkerlikpen, jalpy qajyrly eńbekpen aınalysatyndardy sáttilikter kútip tur. Óıtkeni, Bıkesh jalqaýlardy unatpaıdy. Ol medıtsınany jáne ınjenerlik isti jarylqaıdy jáne bızneske jaýap beredi. Sondyqtan, osy salalardyń ókilderiniń baǵy janyp, joldary bolady. Esekqyrǵan, ıaǵnı ıÝpıter Tarazy shoqjuldyzyna ótken soń, neke toılaryn ótkize berýge bolady. Astrologııada Tarazy nekege jaýap beredi. Bul turǵyda aspandyq belgiler: Egizderdiń, Sýquıǵyshtardyń jáne Tarazylardyń isi ońǵa basady.

Kóptegen Tarazylar, mysaly 2016 jyldyń alǵashqy jartysynda jańa áserge, ǵashyqtyq sezimge bólenýi múmkin. Al qysqy aılarda olardy ómirge perzent ákelý qýanyshy kútip tur.

Sýquıǵyshtar úshin bul jyl meılinshe sátti jáne ónimdi jyl bolady.

Bıkeshter jumysta jáne basqa da salalarda shamasy kelmeıtin jaýapkershilikten boılaryn aýlaq ustaǵandary jón. Odan da aldaryna kishigirim bolsa da naqty maqsattar qoıǵan durys. Olardyń júzege asýyna kepildik mol.

Eger ot belgileriniń tobyna keler bolsaq, olar úshin mynadaı jaǵdaı qalyptasyp otyr: Toqtylardyń tamyz aıyna deıin joly bolady jáne olardy osy jyldyń alǵashqy toqsanynda qarjy jaǵynan sáttilikter kútip tur, keıin shańyraq qurýǵa da jol ashylady. Arystandar tamyz aıyna deıin jaqsy tabys taba alady, al keıin olardy alys joldar kútip tur. Mergenderge tamyz aıyna deıin mansapqa jetýge, mansabyn joǵarylatýǵa ońtaıly jaǵdaı týyndaıdy, al keıin dańqqa bólenip, shańyraq kóterýge múmkindik ashylady.

Al sý belgilerine kelsek, Balyqtarǵa tamyz aıyna deıin neke qurýlaryna, al keıin nesıe alýǵa nemese qarjy sektorynda jumys isteýlerine bolady. Shaıandarǵa tamyz aıynan keıin jyljymaıtyn múlik satyp ala berýlerine bolady. Bul belgilerdiń ókilderi bıyl ótken jylǵa qaraǵanda jıi is-saparǵa shyǵady, saıahat jasaıdy.

Saryshaıandar tamyz aıyna deıin ózderiniń ómirlik jaryn kezdestire alady, al keıin tylsym álemdi zertteýlerine nemese qaıyrymdylyq sharalar uıymdastyrýlaryna bolady.

- Aldaǵy merekelerge baılanysty qazaqstandyqtarǵa aıtar tilegińiz..

- Qazaqstandyqtarǵa árıne myqty densaýlyq, baqyt, bereke-birlik, ashyq aspan jáne shydamdylyq tileımin. Túptep kelgende barlyq qıyndyqtar ýaqytsha ǵana dúnıeler!

- Áńgimeńizge kóp rahmet!