Eksportty qoldaý ınstıtýttarynyń sany 2 esege qysqardy

ASTANA. QazAqparat – Eksportty qoldaý ınstıtýttarynyń sany eki esege qysqardy. Bul týraly Saýda jáne ıntegratsııa vıtse-mınıstri Qaırat Tórebaev málim etti, dep habarlaıdy QazAqparat tilshisi.

«2020 jyldan bastap qoldanystaǵy qurylymdardy ońtaılandyrý jumysyn júrgizdik. Osylaısha eksporttaýshylarǵa qoldaý is-sharalary kórsetildi. Bul eksporttaýshylardyń da, ýaqyttyń da suranysy boldy. Nátıjesinde eksportty qoldaý ınstıtýttarynyń sany eki esege qysqardy», - dedi vıtse-mınıstr Ortalyq kommýnıkatsııalar qyzmetindegi baspasóz máslıhatynda.

Onyń dereginshe, qazir eksportty qoldaýdyń 2 ınstıtýty ǵana qaldy. Onyń biri KazakhExport qarjylyq is-sharalarynyń operatory sanalady. Al QazTrade qarjylyq emes is-sharalardyń operatory qyzmetin atqarady.

«Osyǵan uqsas júıe Ońtústik Koreıada da qurylǵan. Olarda K-Sure jáne KOTRA eksporttyq-kredıttik agenttigi teń dárejede jumys isteıdi», - dedi Qaırat Tórebaev.