Eksportty ilgeriletý: Túmen qalasynda saýda-ekonomıkalyq mıssııa ótti
ASTANA. QazAqparat - Qazaqstandyq eksportty ilgeriletý aıasynda Túmen qalasynda saýda-ekonomıkalyq mıssııasy bolyp ótti. Bul týraly Qazaqstannyń Syrtqy saýda palatasynyń baspasóz qyzmeti habarlady.
Mıssııany QR Investıtsııalar jáne damý mınıstrligi, «Atameken» QR Ulttyq kásipkerler palatasy jáne Qazaqstannyń Syrtqy saýda palatasy Túmen oblysynyń Saýda-ónerkásip palatasymen birlesip uıymdastyrdy.
Qazaqstandyq delegatsııa Túmen tehnoparkine baryp, onda Túmen oblysy gýbernatorynyń orynbasary Vadım Shýmkovpen kezdesý ótti. Konferentsııa barysynda Túmen oblysynyń Investıtsııalyq saıasat jáne kásipkerlerdi memlekettik qoldaý departamenti Syrtqy baılanystar jáne baqylaý basqarmasynyń bastyǵy Natalıa Rakıtına, Qazaqstannyń Syrtqy saýda palatasy basqarmasynyń tóraǵasy Aıan Erenov jáne basqalary saýda-ekonomıkalyq qatynastardyń damý keleshegi, ózara tıimdi yntymaqtastyq jáne ınvestıtsııalyq áleýetti iske asyrý týraly áńgimeledi.
V2V formatynda bolyp ótken baılanystar bırjasynda qazaqstandyq taýar óndirýshiler Túmen oblysynyń áleýetti seriktesterimen kezdesti. Ónerkásipshiler OTMK holdınginiń quramyna kiretin suryptyq prokat shyǵaratyn kásiporyn - «Elektrostal Tıýmenı» metallýrgııalyq zaýytyna, sondaı-aq Borovskoı ındýstrııalyq parkine bardy. Ol kólemi jaǵynan 30 ga jerdi alyp jatyr ári shaǵyn jáne orta bızneste óńdeý óndiristerin qurý úshin arnalǵan.
Tamaq ónerkásibimen aınalysýshylar óz kezekterinde Túmendegi eń iri balǵyn ónimder satatyn «Mıhaılovskıı» bazarynyń, «Selskıı dvorık» bólshek saýda jelisiniń jáne «Galereıa Gýrme» gastronomynyń jumysymen tanysty.
Kezdesý sońynda qazaqstandyq delegatsııa blokty-modýldi oryndaýdaǵy munaı-gaz jabdyǵyn shyǵarý salasynda Túmen óńirinde ǵana emes, sonymen qatar búkil Reseı boıynsha qarqyndy damyp kele jatqan iri kásiporyndardyń biri - «GMS NEFTEMASh» AQ-da, sondaı-aq «Tamara ı Svat» saýda jelisiniń núktesinde boldy.
