Eksportty damytý jáne jyljytý jónindegi memlekettik sharalardy iske asyrý maqsatyna 300 mln. teńge bólinedi

Bul týraly búgin QR Parlamenti Májilisinde ótken «Qazaqstan Respýblıkasynyń keıbir zańnamalyq aktilerine saýda qyzmetin retteý máseleleri boıynsha ózgerister men tolyqtyrýlar engizý týraly» zań jobasynyń tanystyrylymy barysynda málim boldy, dep habarlaıdy QazAqparat.

«Saýda saıasaty, onyń ishinde saýda qyzmetin tıimdi retteý - kózdegen maqsattarǵa qol jetkizý quraly bolyp tabylady. Óıtkeni álemniń kez kelgen eliniń ekonomıkalyq tabysy kóp jaǵdaıda saýda sektorynyń damýymen baılanysty bolady. Osylaısha, jahandanýǵa tek otandyq óndirýshiler ǵana emes, memlekettiń ózi de daıyn bolýǵa tıis. Álemniń kez kelgen eli sııaqty Qazaqstannyń da ózgermeli ishki jáne syrtqy jaǵdaılarǵa sáıkes keletin jáne jahandanýdyń keleńsiz faktorlary men qaterlerin azaıta otyryp, odan túsetin paıdany barynsha arttyrýǵa múmkindik beretin saýda qyzmetin retteýdiń naqty pysyqtalǵan óz júıesi bolýǵa tıis. Osyǵan baılanysty saýda qyzmetin retteýge qatysty zań jobasy ázirlenip otyr», delingen qujattyń túsindirmesinde.

Sonymen birge, eksportty damytý jáne jyljytý jónindegi memlekettik sharalardy iske asyrý respýblıkalyq bıýdjetten qarajat bólýdi talap etetindigin atap ótý kerek. Respýblıkalyq bıýdjet komıssııasynyń 2009 jylǵy maýsymnyń 17-sindegi hattamasyna sáıkes osy is-sharalardy ótkizýge aldaǵy ýaqytta 300 mln teńge mólsherindegi qarjy bólý máselesi maquldanǵan. Zań jobasymen saýda qyzmetiniń sýbektilerine, taýarlarǵa, jabdyqtarǵa, saýda obektilerin ustaýǵa qoıylatyn talaptardy belgileý men saýda núktelerin júıelendirýdiń, sondaı-aq olardyń qyzmetterin reglamentteý men retteýdiń qajettiligine baılanysty saýda qyzmetin uıymdastyrý bóliginde tolyqtyrýlar engiziledi.