Eksporttalatyn taýarlarǵa baǵanyń joǵarylaýy tirkeldi
ASTANA. QazAqparat - 2014 jylǵy tamyzda eksporttyq jetkizilimderge baǵanyń joǵarylaýy, sondaı-aq baǵanyń ımporttyq túsimderge tómendeýi belgilendi.
Bul týraly QR Ulttyq ekonomıka mınıstrligi Statıstıka komıtetinen habarlandy.
Atap aıtqanda, aǵymdaǵy jylǵy tamyzda shildemen salystyrǵanda eksporttalatyn taýarlarǵa baǵa 0,7 paıyzǵa joǵarylady, ımporttalatyndarǵa 0,1 paıyzǵa tómendedi.
«Eksporttyq jetkizilimderden baǵanyń bir aıda gaz kondensatyna - 8,5, tústi jáne qara metall kenderine - 7,2, myryshqa - 7, alıýmınııge - 5,5, tabıǵı gazǵa - 0,7, munaı ónimderine 0,6 paıyzǵa joǵarylaýy tirkeldi. Budan bólek, baǵanyń qorǵasynǵa - 9,1, qara metaldar ılegine - 4,5, maqtaǵa - 3,8, ferroqorytpalarǵa - 2, júnge - 1,9, kómirge - 1,4, suıytylǵan propanǵa 0,8 paıyzǵa tómendeýi belgilendi. Baǵa arpaǵa - 9,8, jarmalar - 9,1, unǵa - 7,3, bıdaıǵa 2,2 paıyzǵa arzandady»,-delingen komıtet málimetinde.
Al ıporttyq túsimderden qus eti - 5,2, ósimdik maıy - 5, temeki - 4,1, shaı - 1,7, sút ónimderi 0,9 paıyzǵa arzandady, sondaı-aq kofe - 29,4, kókónister - 11,8, balyq - 2, kúrish - 1,4, jemis -1, qant 0,9 paıyzǵa qymbattady.
