Eksportshylar úshin kólik shyǵyndaryn tómendetýdiń barlyq múmkinshilikterin oılastyrý qajet - Úkimet basshysy
«Men Kólik jáne kommýnıkatsııa mınıstrligine «Samuryq-Qazyna» qorymen jáne basqa da múddeli memlekettik organdarmen birlesip, eksporttaýshylardy qoldaý tetikterin jeńildikti tarıftik qyzmetter alý múmkinshiligin, tasymaldaý tarıfterin sýbsıdııalaýdy zerdelep, usynys engizýdi tapsyramyn», - dedi Úkimet basshysy.
Premer-Mınıstrdiń atap ótýinshe, sońǵy 5 jyl ishinde temir jol kólikterimen júk tasymaldaý tarıfteri artýynyń ortasha jyldyq deńgeıi 12 paıyzǵa ósken. Bul rette, júk tasymaldaý tarıfteriniń artýy Qazaqstan ekonomıkasy salalarynyń ósimine esh kedergi keltirmeýi qajet. Sonymen qatar júk tasymaldaý qyzmetteri qoljetimdi bolǵany durys. Óıtkeni, Qazaqstannyń eksporttyq naryqtarynyń qashyqta ornalasqandyǵyn ári tikeleı teńizge shyǵar jolynyń joq ekendigin eskerer bolsaq, onda búginde eksportqa júk shyǵarýda basym ról temir jolǵa tıesili.
«Eksportshylar úshin kólik shyǵyndaryn tómendetýdiń barlyq múmkinshilikti nusqalaryn oılastyrý qajet. Olar bizde aıtarlyqtaı kóp emes. Tolyqtaı alǵanda, bizge el ekonomıkasynyń barlyq salalarynyń múddelerin eskere otyryp, orta merzimge arnalǵan teńgerimdi tarıf saıasatyn qarastyrý kerek», - dedi S.Ahmetov.
