Eksportqa veterınarlyq sertıfıkatty berý 14 kúnnen 1 saǵatqa deıin qysqarady
ASTANA. QazAqparat - Bıyl QR Aýyl sharýashylyǵy mınıstrligi veterınarlyq ári fıtosanıtarlyq qaýipsizdik salasynda ruqsatnamalyq qujattardy berýdiń barlyq protsesterin avtomattandyrady, dep habarlaıdy QazAqparat.
«Máselen, protsesterdi ári málimet alýdy avtomattandyrý esebinen eksportqa veterınarlyq sertıfıkatty berý merzimi 14 kúnnen 1 saǵatqa deıin qysqarady», - dep naqtylady QR Aýyl sharýashylyǵy birinshi vıtse-mınıstri Arman Evnıev Úkimet otyrysynda.
Onyń sózine qaraǵanda, búginde veterınarlyq jáne fıtosanıtarlyq qaýipsizdik boıynsha ilespeli ári ruqsatnamaly qujattardy qarastyrýdyń 13-iniń ishinde 9-y avtomattandyrylǵan, alaıda qujattar qaǵaz túrinde beriledi.
2018 jyly olardyń barlyǵy avtomattandyrylady. Jalpy, mınıstrlik memqyzmetterdiń 101 túrin iske asyrady, onyń arasynda ishinara 62-si avtomattandyryldy.
Aldaǵy eki jylda memqyzmetterdiń 89-yn tolyqtaı avtomattandyrý josparlanyp otyr. Onyń ishinde AÓK-ti qarjylandyrý, ónim ótkizý men eksporttaý sharalary, memlekettik baqylaý, sý jáne bıoresýrstardy basqarý tártipteri qamtylady.
