Eksportqa shyǵatyn «Halal» ónimderdi sertıfıkattaıtyn organ akkredıtteldi

ASTANA. QazAqparat – Elimizde alǵash ret «Halal» ónimderin eksportqa sertıfıkattaý jónindegi organ akkredıtteldi. Saýda jáne ıntegratsııa mınıstrliginiń keńeıtilgen alqa otyrysynda vedomstvo basshysy Serik Jumanǵarın osylaı málámdedi, dep habarlaıdy QazAqparat tilshisi.

«Ónimniń sapasy men qaýipsizdigin arttyrý úshin tehnıkalyq retteý júıesi jetildirilip keledi. Birinshi, qazaqstandyq bıznesti qoldaý úshin Eýrazııalyq ekonomıkalyq odaq deńgeıinde ónimge qoıylatyn mindetti talaptar jeńildetildi. Mysaly, avtomobılderge «SOS» batyrmasyn ornatý boıynsha mindettemeler alynyp tastaldy. Sonymen birge, otandyq júk vagondaryn jóndeýge arnalǵan moıyntirekter sertıfıkattaýdan bosatyldy. Ekinshiden, 77 synaq zerthanasy jańǵyrtyldy, 10 qazaqstandyq zerthana Eýrazııalyq ekonomıkalyq odaq tizimine engizildi. Barlyq bıznes-protsester de tsıfrlandyryldy jáne «E-KTRM» aqparattyq júıesi engizildi. Alǵash ret «Halal» ónimderin eksportqa sertıfıkattaý jónindegi organ akkredıtteldi», - dep málim etti Serik Jumanǵarın.

Budan bólek, mınıstr azyq-túlikti arzandatý úshin byltyr shet memlekettermen kelisim jasaı otyryp, 1300-den astam taýarǵa salyntyn kedendik baj alynyp tastalǵanyn aıtty.