Eksportqa rekordtyq kólemde astyq jóneltildi - QR AShM
ASTANA. 12 qyrkúıek. QazAqparat - 2011 jyldyń 1 qyrkúıegi men 2012 jyldyń 31 tamyzy aralyǵynda eksportqa astyq pen unnyń rekordtyq kórsetkishi shyǵaryldy, dep habarlady QR Aýyl sharýashylyǵy mınıstrliginiń baspasóz qyzmetinen.
QR Statıstıka agenttigi men «Qazaqstan temir joly» UK» AQ málimetterine sáıkes, eksportqa undy qosa alǵanda 12,7 mln. tonna astyq, onyń ishinde 8,9 mln. tonna bıdaı, 2,6 mln. tonna un jóneltilgen. Bul 2010-2011 marketıng jylyndaǵy kórsetkishten 2,5 ese artyq. Aǵymdaǵy jyldyń 1-10 qyrkúıegi aralyǵynda ǵana 77,7 myń tonna astyq tıelgen.
