Eksport taýarlarynyń 12% arzandaýynan bıýdjetke 8 mlrd teńge tabys túspeı qaldy
«Qańtar-aqpan aılarynda memlekettik bıýdjetke 3,4 trln teńge shamasynda kiris tústi nemese jospar 107,6%-ke oryndaldy. Respýblıkalyq bıýdjetke 2,5 trln teńge kiris tústi nemese jospar 100,5%-ke oryndaldy», - dedi E. Jamaýbaev Úkimettiń búgingi otyrysynda.
Kiris boıynsha jospar - 12 mlrd teńgege, onyń ishinde salyqtyq emes kiris – 20 mlrd teńgege asyra oryndalǵan.
«Salyq boıynsha jospar 8 mlrd teńgege oryndalmady, onyń negizgi somasy paıdaly qazba óndirý salyǵy, korporatıvtik tabys salyǵy jáne shıki munaıǵa eksporttyq kedendik bajǵa tıesili. Paıdaly qazbany óndirý salyǵy men eksporttyq kedendik baj josparynyń oryndalmaýy jáne túsimniń tómendeýiniń negizgi sebebi – bıylǵy qańtar-aqpan aılarynda negizgi eksporttyq taýarlar baǵasynyń ótken jylǵy kezeńimen salystyrǵanda orta eseppen 12,3%-ke tómendeýi boldy», - dep túsindirdi Qarjy mınıstri.
Korporatıvtik tabys salyǵy jospary 591 iri salyq tóleýshi boıynsha avanstyq tólemder somasynyń 44,6%-ke tómendeýi sebebinen oryndalmaǵan.
Bul rette jospar qosylǵan qun salyǵy jáne ımporttyq kedendik bajdar boıynsha asyra oryndaldy.
«Jergilikti bıýdjettiń kirisi 135%-ke atqaryldy jáne 882 mlrd teńgeni qurady. Jospar 228 mlrd teńgege, onyń ishinde salyqtar boıynsha 210 mlrd teńgege asyra oryndaldy. Kiris boıynsha jospar barlyq óńirde asyra oryndaldy», - deıdi Erulan Jamaýbaev.
