EKSPO shary «Silk Way Star» jobasyna qatysýshy elderdiń týynyń túsimen jarqyrady
ASTANA. KAZINFORM — Búgin elorda sımvoly – EKSPO sharynda alǵashqy azııalyq vokaldyq baıqaýǵa qatysýshy memleketterdiń jalaýlary kórsetildi.
«Silk Way Star» shoýy 20 qyrkúıekten bastap Silk Way, Jibek Joly, Qytaıdyń CCTV-3 arnasynda jáne qatysýshy elderdiń ulttyq arnalarynda kórsetiledi.
Qazaqstan Respýblıkasy Prezıdentiniń Teleradıo Kesheni Prezıdenti men CMG medıakorporatsııasy uıymdastyryp otyrǵan baıqaýǵa 12 el, atap aıtqanda, Ázerbaıjan, Armenııa, Grýzııa, Malaızııa, Qazaqstan, Qytaı, Qyrǵyzstan, Mońǵolııa, Tájikstan, Túrikmenstan, Ózbekstan jáne Ońtústik Koreıa ókilderi qatysady.
«Silk Way Star» — álemdik mýzykalyq ındýstrııadaǵy jarqyn qubylys bolmaq ári Uly Jibek joly boıyndaǵy elder men halyqtardyń mádenı qundylyqtaryn pash etedi. Baıqaýǵa qatysýshylar ár eldiń mádenıetine tán mýzykalyq stılderdiń alýandyǵyn, dástúrlerdiń, áýender men oryndaý máneriniń ereksheligin kórsetedi.
Qazylar alqasynyń quramynda — tanymal ártister, kompozıtorlar, prodıýserler men medıa ókilderi bar.
«Silk Way Star» — azııalyq mýzykany nasıhattaý, halyqtar arasyndaǵy mádenı baılanysty nyǵaıtý jáne jańa talanttarǵa jol ashatyn alań qalyptastyrýǵa baǵyttalǵan biregeı joba bolmaq.
Osy baıqaýda Qazaqstan atynan qatysyp jatqan Alem «Men úshin bul úlken mártebe» degen edi.